सेनालाई जिस्क्याउँदा के होला

सेनालाई जिस्क्याउँदा के होला ?

युवराज गौतम
५ जनवरी
काठमाडौं



नेपाली सेना नामर्द, पामर, हुतिहारा, दास र अवसरवादीहरूको बथान होइन भने उसले आफनो इतिहास कलंकित हुन दिने छैन। जो आए पनि सलाम गरेर जागिर खाने हो भने चार सय ५० वर्ष पुरानो सौर्यमय इतिहास, परम्परा र मूल्य मान्यतालाई रद्दीको टोकरीमा मिल्काएर सेनाले आत्मसमर्पण गरे हुन्छ। सेनाको सतीत्व र अस्तित्व सेनाबाहेक कसैले जोगाउन सत्तै्कन। यो कुरा नेपाली सेनाले अवश्य आत्मसात गरेको हुनुपर्छ।
नेपाल एकीकरण हुनुभन्दा पहिले किराँत, लिच्छवी र मल्लकालमा पनि सेना अस्तित्वमा थियो, पृथक् रूपमा। आधुनिक नेपाल निर्माणपछि राष्ट्रनिर्माता पृथ्वीनारायण शाहबाट नेपाली सेनालाई अभूतपूर्व प्रोत्साहन प्राप्त भएको इतिहासकारको भनाइ छ।
आज प्रधानसेनापति रुक्मांगद कटवाल जुन दायित्व, गरिमा र महिमाको पदमा छन्, त्यो पद र समग्र नेपाली सेनाको इतिहास जोगाउन उनले कठोर कदम चाल्नुपर्ने बेला आएको छ। यदि त्यसो गर्न सकेनन् भने इतिहासका नजरमा उनी अयोग्यमात्र होइन, अवसरवादी ठहरिनेछन्।कटवाल महोदयले सम्हालेको पद कुनैबेला काजी कालु पाँडे, वंशराज पाँडे, दामोदर पाँडे, काजी अभिमानसिंह बस्नेत र भीमसेन थापाजस्ता वीरहरूले सम्हालेका थिए। ढुंगो पट्ट फुट्छ, तर नुहिदैन भनेझैं ती वीर पुरुषहरूले सेनाको इज्जत, इमान, गरिमा र इतिहाससँग कहिल्यै खेलाँची गरेनन्। काजी रणजंग पाँडे, माथवरसिंह थापा, जंगबहादुर राणादेखि चन्द्रशमशेरलगायतका कसैले पनि सेनालाई झुक्न बाध्य पारेनन्। प्रधानसेनापति सेनाको टाउको हो। ऊ झुक्यो भने समग्र सेना लज्जित बन्न पुग्छ।
सेना लज्जित, अपमानित, धराशयी र मूर्दातुल्य भयो भने राष्ट्रको शिर कसरी ठाडो हुन्छ? जनताको मनोबल कसरी उठ्छ? इतिहास कसरी सुरक्षित हुन्छ? माओवादीले विगतमा हजारौं जनताको हत्या गरे। सयौं सैनिक र हजारौं प्रहरी मारे। तर सेनालाई जित्न सकेनन्। झुक्याएर मार्नु र लडाइँ जित्नु बेग्लै कुरा हो।
जन्मजात भारतविरोधी भनिएका माओवादीलाई 'इस्तेमाल' गर्न भारतले माओवादीलाई पैसा, तालिम र हतियार दिएर उकास्यो। शरण दियो। नेपालविरुद्ध भाडाका सेना (मसिनरी) बनेर माओवादीले नेपाललाई ध्वस्त पारे। हजारौं स्कुल, कार्यालय, टेलिफोन टावर, पुल, बाटो, विद्युत् केन्द्र ध्वस्त पारे। आज नेपालीले अँध्यारोमा बस्नुको प्रमुख कारण कथित जनयुद्ध नै हो। करोडौं जनताको रगत पसिनाले सिर्जना गरिएका अर्बौं रुपैयाँका विकास आयोजनाहरू ध्वस्त पार्ने भष्मासुर प्रवृत्तिलाई 'जनयुद्ध' भन्नु जनताको अपमानमात्रै हो। माओवादीले गरेका हरेक कुरामा जनतालाई मुछ्ने गरिन्छ। के त्यसो भए माओवादीले बाटोमा दिसा गर्दा त्यो 'जनदिसा' हुन्छ? माओवादीले मुक्का हान्दा त्यो 'जनमुक्का' हुन्छ? माओवादीले बलात्कार गर्दा त्यो 'जनबलात्कार' हुन्छ? माओवादीले गरेको हत्या 'जनहत्या' हुन्छ? आफैंले मुद्दा लगाएर आफैंले फैसला गर्ने 'जनअदालत' र आफैंले बनाएको टीके सरकारलाई 'जनसरकार' भन्ने माओवादीले पशुपतिनाथलाई 'जनमहादेव' बनाएका छन् भने नेपाली सेनालाई 'जनसेना' बनाउने दाउमा छन्। बलात्कारको सशक्त जवाफ दिने वा बलात्कारमै आनन्द मान्ने कुरा अब सेनाको नेतृत्वमा भर पर्छ। सेनालाई पटक–पटक जिस्क्याइरहेको माओवादीलाई सेनाले जवाफ दिन सकेन भने एक लाखको हाराहारीमा रहेको नेपाली सेना इतिहासमै पहिलोपल्ट लज्जित हुनेछ। सेनाले हाराकिरी गरे हुन्छ।
टर्की र पाकिस्तानलगायतका धेरै देशमा विदेशपरस्त सरकारको आदेश नमान्दा सरकार तथा सेनाबीच तनाव उत्पन्न भएका उदाहरणहरू छन्। भ्रष्ट र कर्तव्यच्यूत सरकारलाई सेनाले पाठ सिकायो– थाइल्यान्डमा। जनमत पाएको भन्दैमा माओवादी नेतृत्वको वर्तमान सरकारले राष्ट्र, सेना, धर्म, परम्परा, संस्कृति सबैथोक बिथोल्न पाउँदैन। तर सेना टुलुटुलु हेरेर बसिरह्यो भने माओवादीले चाहेको तानाशाही शासन त्यत्ति टाढा पनि छैन। किनभने सेनाले बाहेक कसैले उसलाई रोक्न सत्तै्कन।
माओवादीलाई भारतबाट काँधमा हालेर ल्याउने दलहरू 'ठूला' भनाउँदा सञ्चारगृह, कथित नागरिक समाज र डलरजीवीहरू अहिले माओवादी त भष्मासुर पो रहेछ भन्न थालेका छन्। माओवादीले प्रजातन्त्र बलियो पारिदिन्छ र नयाँ नेपाल बनाइदिन्छ भन्दै बुर्कुसी मार्नेहरू पश्चाताप गर्न थालेका छन्।
सेना, प्रेस, टाठाबाठा र सचेत जनतालाई पेल्न सकियो भने एमालेजस्तो अवसरवादी, पदमुखी र दुई जिब्रे पार्टीलाई मात्र होइन, कांग्रेसजस्तो सिद्धान्तहीन दललाई समेत तह लगाउन सकिन्छ भन्ने माओवादीले ठानेका छन्। महँगी, भ्रष्टाचार, अन्धकार, असुरक्षा र अराजकता हेरेर बसिरहेका जनता सिरक ओडेर गुनासो गर्न सक्छन्, तर सडकमा उत्रिन कुनै दूतावासले नै आदेश दिनुपर्छ। यो अवस्था रहुञ्जेल कसरी हुन्छ परिवर्तन?
गौतम गोरखापत्रका पूर्व सम्पादक हुन् ।



य गौतम जि तपाईं को लेख पढेर म लाई एउटा प्रश्न गर्न मन लाग्यो तपाईं कुन धरातल म बसेर लेक्दै हो ? देको परिस्थिती त बुज्नु बयको छ नि ? क् माओवादी ले मात्रै हो मन्छे मरेको ? राजा बदी सोल्ती.....
rambabu|09-Jan-2009 03:18:47
www.nepalbritan.com